ORANJESTAD (AAN): Recientemente e compania di accounting, PKF Financial Services Aruba a lanza nan Gen-Z Unlocking Potential Mentorship Program,
unda nan ta acudi na scolnan avanza local pa asina duna e hobennan cu informacion balioso pa asina nan haya mihor comprondemento con por start nan caminda pa por domina cierto habilidadnan cu lo bay yuda nan pa resto di nan bida.
Esey ta e meta tambe di PKF Aruba, esta pa encurasha, siña, y inspira e studiantenan di e klasnan mas halto pa yuda nan sa con pa haci uso di nan capacidadnan, y logra nan meta.
Desde September 2023, e profesionalnan di PKF Aruba ta haciendo esaki pa duna un extra empuhe na alumnonan cu lo por haya inspiracion extra pa sigui usa e hermentnan aki pa mehora nan capacidad.
Recientemente nan a pasa bishita alumnonan di Klas 4 di Juliana School MAVO, caminda nan presentacion a wordo bon ricibi door di e alumnonan. E trabao di crea confianza di e alumnonan, y duna hobennan mas poder ta algo hopi di aprecia.
