Lotto pa Deporte a introduci un wega nobo:

Tic tac cash cu ta famia di Insta Cash

ORANJESTAD (AAN) – Lotto di Aruba ta introduciendo e wega yama “Tic Tac Cash” den e famia di Insta Cash. Insta Cash ta un producto unda bo por gana premio al instante. Kiermen, bo no mester warda pa sorteo pero bo por hunga y gana di biaha. Asina Amanda Croes di Lotto pa Deporte a informa, den entrevista cu DIARIO.

            El a agrega cu Lotto ta trece mas wega y mas variacion p’asina por tin pa tur tipo di hungado. Kiermen, esnan cu gusta bingo, of hunga tic tac Lotto ta purba di abarca tur hende.

            E wega aki ta costa solamente dos florin, y tin chens di gana te cu 2 mil florin. Pero tin diferente premio di por ehemplo 10 florin, 50 florin y e dos mil florin cu ta e premio mas grandi.

Esaki a drenta na vigor desde dialuna ultimo y e ta bay keda pa tempo largo.