Vuelo di KLM di Bonaire pa Amsterdam...
- Hopi pasahero Arubiano a keda stagna na Bonaire
ORANJESTAD (AAN): Tabata Diaranson anochi cu KLM Operations a tuma un decision drastico, cu no ta safe pa haci e vuelo transatlantico cu problema severo cu e tren di aterizahe di e Airbus A330-203 di e aerolinea. Esey a socede na Flamingo Airport na isla di Bonaire.
Vuelo KL-767 a cuminza bispo di Pasco, esta Diaranson 24 di December 2025 pa 7:20 pm na Aruba, ora cu e avion aki a lanta pa bula 25 minuut y yega na Bonaire. Aki e avion tin di haci su ‘turn-around’ pa asina e lanta vuelo rumbo pa Amsterdam, na Hulanda.
Ora cu e avion a ateriza pa 7:45 pm na Bonaire, ningun hende tabatin indicacion cu tin problema. Pero riba plataforma a cuminza haci chekeo di e problema, y na comienzo a notifica e pasaheronan cu envez di sali 9:25 pm, cu e vuelo lo sali pa 10:00 pm. Pero e ora ey a pasa, y nada. Ora cu e pasaheronan tabatin como 1 ora caba sinta den e avion, nan a cuminza wordo notifica cu e vuelo lo no sigui mas.
a cuminza notifica e pasaheronan den e Terminal Aereo chikito cu lo tin un retrazo. Pues envez di sali
Pero despues a drenta e informe fastioso cu vuelo KL-767 ta wordo cancela, como cu no por bula cu e fayo grave den e tren di aterizahe. E avion aki di matricula PH-AOA a wordo fabrica casi 20 aña y mey pasa, esta na Augustus 2005. E otro avion cu ta bula pa Bonaire, di matricula PH-AKD a wordo fabrica casi 14 aña pasa, esta desde April 2012.
Debi na e cancelacion di vuelo, pasaheronan residencia na Bonaire por a regresa nan cas. Pa e demas pasaheronan, e aerolinea a haya nan ta busca alohamento pa e casi 150 pasahero stagna awo eynan.
Aunke ta den temporada di Pasco, toch di milagro e groundhandler a haya lugar pa tur hende bay hospeda. Pero e momento ey ya caba pasaheronan tabatin hamber, y pa colmo tur lugar di come na Flamingo Airport ta cera caba pa 10:00 pm.
Pasaheronan a yega Hotel y haya sorpresa cu chens di haya cuminda ta basta limita. Hopi mester a bay drumi cu barica bashi.
E pieza cu a kibra no tin den stock den Caribe, pues den un siguiente vuelo for di Europa, e pieza aki a wordo manda pa Bonaire pa asina e wordo reemplaza pa asina vuelo di Noche Buena por tuma lugar. Aunke tur e pasaheronan aki a spera di por a yega riba Pasco na Hulanda, tur esey a pasa y nan a desea otro Bon Pasco na Bonaire mes.
