Levi Silvanie a presenta su album musical nobo na Pepia Est

ORANJESTAD (AAN) – E musico curasoleño Levi Silvanie, a presenta su album musical nobo, recientemente,

na Pepia Est. Señora Sharissa Wever de Roo, Officer Manager di e lugar, a expresa cu pa nan tabata un honor y placer di tin Levi Silvanie cerca nan, mirando cu e ta sacando su album nobo, y cu e anochi di presentacion e tabata tin un sesion priva hunto cu prensa y demas invitado.

   E dama a subraya cu e anochi aki lo no a faya un bon musica. Levi ta naci na Curacao pero e ta biba na Rotterdam.  “E ta di e Islanan ABC, pues e ta di nos”, Sharissa a expresa.

   Tur esnan presente a goza inmensamente di e presentacion special aki di Levi Silvanie, y di awor caba ta sigui desee exito den su carera.