Lectura na WEB duna na Bomberonan encuanto “substancianan peligroso”

ORANJESTAD (AAN): Mescos cu ora cu Bomberonan tin di atende un Auto Electrico na candela, of un candela na un Avion,

semper mester sa di antemano kico ta e ‘substancianan peligroso’ cu bo ta topa cune den diferente tipo di candela.

   Por ehemplo, si acaso un Transformator Huis di coriente ta na candela, ta bon pa yega y djis basha awa riba dje of no.

   Recientemente un grupo di Cuerpo di Bombero, a bay haci un bishita na WEB Aruba NV, unda nan a haya un lectura encuanto “substancianan peligroso”.

   E presentacion aki di ‘gevaarlijke stoffen’ a wordo ofreci door di funcionarionan di WEB Aruba NV, esta Sr. Rock y tambe Sr. Geerman.  Aki a elabora riba tur aspecto di peligronan presente, y si acaso tin un candela, ta kico cada Bombero tin di tene cuenta cune, incluyendo peligro di inhala huma cu por ta wordo produci pa cualkier quimico.

   Personal di Cuerpo di Bombero a keda satisfecho cu e presentacion aki, y ta manda gradici WEB Aruba NV pa cu esaki.