Asina a tene almuerzo special cu tur ex-President di ATIA

Awor celebrando nan di 80 aniversario

ORANJESTAD (AAN): Recientemente a tuma lugar un reunion memorabel, unda caranan conoci, di personanan cu a traha fuerte pa Asociacion ATIA, a reuni.  E tabata uno special, esta un almuerzo organiza pa tur ex-President di ATIA.

   Di e forma ey, historia y tradicion a uni ora cu e ex-Presidentnan a reuni den un almuerzo special pa celebra e di 80 aniversario di ATIA.  E tabata un momento pa reconecta, reflexiona, y celebra e legado di liderato cu a forma e Asociacion manera cu e ta awe.

   Tabatin basta combersacion, harimento, y contamento di storianan di retonan, triunfo, y visionnan comparti cu a resona entre e generacionnan di lidernan.  Cada sacudimento di man, cada sonrisa, tabata un recordatorio cu liderato no ta djis pa bo tin un titulo, pero pa laga un impacto duradero atras.

   Riba combinacion di potret por mira mas di e hecho memorabel aki, unda ATIA ta keda sigui mira pa futuro, guia pa e sabiduria y dedicacion di esnan cu a traha e ruta pa nan.