Kyra Jong eligi como Reina Hubenil di Carnaval

ORANJESTAD (AAN): Diasabra anochi a tuma lugar un eleccion di reina hopi bon anima den Aruba Carnival & Entertainment Village na San Nicolas.

   Un evento cu varios cambio, pero cu e competencia mes a bay suave.  E anochi aki a combina eleccion di Reina Hubenil y tambe eleccion di Señora Carnaval.

   Candidatanan di Hubenil a duna nan presentacion, nan discurso, a subi escenario cu nan costume, y duna nan show cu a inclui fenomenal speech, editing di sonido, y tambe background di video.  E resultado na final a bira como lo siguiente.

   Reina Hubenil di Carnaval 72 a bira Kyra Jong, representando Dushi Carnaval Group.  El a wordo corona door di Ministro Wendrick Cicilia.

   Prome finalista a bira Brooke Lockhart, representando Kiwanis Builders Club MPC/TOB Carnival Group.

   Segundo finalista a bira Anwizyann ‘Zizi’ Geerman, representando HEPA DMC Society/Filomena College MAVO.

   Premionan special di e anochi, ta cu Reina Hubenil Popular a bira Zizi Geerman di HEPA DMC Society/Filomena College.  Mihor Speech a bay pa Kyra Jong di Dushi Carnaval Group.  Mihor Show a bay pa Brooke Lockhart di TOB Carnival Group.  Mihor Costume a bay pa Zizi Geerman di HEPA DMC Society.

   Potretnan ta cortesia di SMAC.