Marylain Ras eligi como Señora Carnaval

ORANJESTAD (AAN): Diasabra anochi a tuma lugar un eleccion di reina hopi bon anima den Aruba Carnival & Entertainment Village na San Nicolas.

   Un evento cu varios cambio, pero cu e competencia mes a bay suave.  E anochi aki a combina eleccion di Señora Carnaval y tambe eleccion di Reina Hubenil.

   Candidatanan di Señora Carnaval a duna nan presentacion, nan discurso, a subi escenario cu nan costume, y duna nan show cu a inclui fenomenal speech, editing di sonido, y tambe background di video.  E resultado na final a bira como lo siguiente.

   E di 30 ganadora di Señora Carnaval a bira Marylain Ras di TOB Carnival Group/Grupo di Hospital.  El a haya un corona di oro, y e coronacion tabata den man di Ministro Mervin Wyatt-Ras.

   Prome Finalista a bira Xialainne Gennilee Ras di Royal Carnival Group/EPB.

   Segundo Finalista a bira Carolina Chiquinquira Croes Martinez representando Gucci Dancers Aruba.

   Den extra premionan, Señora Popular a bira Marylaine Ras di TOB Carnival Group.  Mihor Speech a bay pa Marylaine Ras di TOB Carnival Group.  Premio di Mihor Show a bay pa Marylaine Ras di TOB Carnival Group.  Mihor Costume a bay Marylaine Ras di TOB Carnival Group.

   Potretnan ta cortesia di SMAC.