Kiwanis preparando pa su di 25 Masquerade Party

ORANJESTAD (AAN): E aña aki ta bay ta di 25 aña cu Kiwanis Club of Palm Beach ta organiza su famoso Masquerade Party y esaki un biaha mas ta bay tuma lugar na Renaissance Convention Center.

E fiesta ta bay ta riba 9 di Februari y manera semper 100% di e fondonan cu ta wordo recauda ta bay wordo uza pa varios proyecto den comunidad.

Kiwanis den pasado a uza e fondonan entre otro pa e ‘Child Seat Project’ y su ‘Back to School Project’.

 Pa e celebracion di 25 aña ta bay tin un sorpresa.

Manera semper ta bay tin varios premio durante e fiesta di disfraz.

Riba e anochi ta bay tin 4 banda, esta Robert Jeand’or y su Solo Banda Show, ‘NFusion, Tsunami y tambe Buleria.

E premionan riba e anochi ta inclui diferente door prize y premio di costume.

Normalmente ta entre 60 cu 70 premio ta wordo duna riba e anochi di e Masquerade Party y e biaha aki alrededor di 40 di e premionan ta bay ta pa disfraz.

Ta bay tin diferente categoria, incluyendo pa comico, luhoso, etc.