Aruba Taekwondo Bond ta anuncia su compromiso continuo pa cu Centrale Training pa Seleccion Nacional

ORANJESTAD (AAN):   Aruba Taekwondo Bond (ARTBO) ta contento di anuncia e continuidad di su programa di Centrale Training pa e desaroyo di e Seleccion Nacional di Taekwondo di Aruba.

E programa ta diseña pa brinda atletanan cu e habilidadnan, tecnicanan y training necesario pa progresa den e deporte di Taekwondo. E training lo concentra riba e desaroyo di e habilidadnan y tecnicanan di atletanan aspirante den e divisionnan pa Kids, Cadet, Junior y Adult.

            Bou guia di e talentoso coachnan di ARTBO, Sr. Teo Rodriguez y Olympian Srta. Monica Pimentel, e sesionnan di training lo brinda e training riguroso cu nan mester pa sobresali den e deporte di Taekwondo.

            Ambos instructor tin hopi experiencia den e programa, y nan ta dedica pa yuda atletanan di Taekwondo di Aruba logra nan potencial maximo.

            E training ta diseña pa prepara atletanan pa competencianan futuro y representa Aruba cu orguyo riba e scenario internacional.

            "E iniciativa di e Centrale Training ta un paso importante pa reforsa e mision y vision di ARTBO y fomenta un generacion nobo di atletanan talentoso," segun declaracion di Vice-presidente di ARTBO Sr. Norberto "Nuno" TROMP. "Nos ta dedica pa brinda nos atletanan cu e miho training y sosten pa nan por logra nan soñonan den Taekwondo."

            E Seleccion Nacional di Taekwondo di Aruba ta completamente supervisa y maneha bou di supervision di ARTBO y e Comite Olimpico Arubano (COA). E colaboracion aki ta segura cu atletanan por ricibi e nivel mas halto di guia y sosten durante nan trayecto di training y competencia. 

            E programa di Centrale Training ta tuma lugar na Club Estrella na Santa Cruz. 

Tur scol di Taekwondo miembro di ARTBO ta invita pa participa na esaki.

ARTBO ta desea tur studiante y coach participante hopi suerte den nan training y retonan futuro. ARTBO ta dedica pa nutri e talento y pasion di su atletanan di Taekwondo y eleva e perfil di Taekwondo na Aruba.

            Aruba Taekwondo Bond (ARTBO) ta e instancia oficial pa cu asuntonan di Taekwondo na Aruba. ARTBO ta dedica pa promove Taekwondo y e desaroyo di e deporte na tur nivel. ARTBO ta miembro di e Federacion Mundial di Taekwondo (WTF) y e Union Pan-Americano di Taekwondo (PATU).