Kiwanis Palm Beach Aruba a score grandi cu nan Ride4Kids

ORANJESTAD (AAN): Diadomingo di marduga caba, a cuminza cu e di cinco edicion di Ride4Kids 2025,

organiza pa Kiwanis Palm Beach Aruba.  E final lo ta te 10:00 am.

    Mirando cu e edicion di ultimo añanan tabata sumamente exitoso, Kiwanis Palm Beach Aruba a habri registracion hopi trempan e biaha aki

   E evento anual aki di Kiwanis Palm Beach Aruba ta encera un buelta completo rond di e isla di Aruba ariba bicicleta. Esaki a resulta di ta un manera creativo y innovativo pa recauda fondo pa asina e club por cumpli cu su proposito di yuda comunidad, pero alavez promoviendo un estilo di bida saludabel.

   Cada kilometer cu e participante core, ta yuda recauda fondo pa mas di 200 mucha den necesidad.  Bo ta core bicicleta y haci educacion accesibel pa e muchanan aki.  Corda cu tur ganashi lo bay directamente na asisti e muchanan den comunidad.

   Keto bay comunidad por contribui na e proyecto aki door di simplemente manda un email ariba This email address is being protected from spambots. You need JavaScript enabled to view it. y menciona cu bo persona kier contribui cu un suma di placa. E committee organizador lo manda un email pa bo persona pa asina bo por formaliza bo donacion door di menciona cua di e miembronan y cu cua suma bo lo kier sponsor.

   E evento a cuminza cu e grupo di coredornan cu a priminti di lo core un ruta di 175 kilometer.  Nan ta esnan cu a start e actividad aki.  Despues a sigui esnan cu ta core distancia menos.

   Ora cu solo a lanta mainta, hopi ciudadano sinta pafo di nan cas a mira e ciclistanan aki pasa door di nan bario y tabata placer pa mira cuanto animo nan tur tabatin.

   Aki por mira momento cu e prome grupo ta prepara pa sali, y tambe por mira momento cu nan tur a yega na final.  Palabra di pabien na Kiwanis Palm Beach Aruba, y tambe tur coredor cu e exitoso Ride4Kids aki.