Kiwanis Club of Palm Beach gradiciendo tur scol cu a yuda

ORANJESTAD (AAN): Siman pasa, Kiwanis Club of Palm Beach a sigui cu e programa di ‘Invest in Me’,

y despues di Pius X School na Dakota y St. Michaël School na Brazil, nan a bishita tambe Colegio Ora Ubao na Tanki Leendert, y Colegio Felipe B. Tromp na Noord.

   Cu e programa aki, e alumnonan a wordo presenta cu e storia, y a goza asina pa siña encuanto asuntonan financiero pa medio di wega interactivo.  Pa mira e entusiasmo di e muchanan aki ora nan siña maneho y habilidadnan importante pa cu placa, tabata uno yen inspiracion.

   E miembronan di Kiwanis ta contento pa mira con nan ta sigui yuda amplia mente di e hobennan aki cu e conocemento y herment pa crea un futuro financiero mas briyante.

   Kiwanis Club of Palm Beach ta manda mensahe di danki na tur e scolnan cu a ricibi nan, y tambe danki na e boluntarionan cu a dedica nan tempo y energia pa haci un diferencia.  Hunto nan ta creando un futuro financiero mas briyante pa e muchanan.