ORANJESTAD (AAN): Gerencia di Do It Center, hunto cu demas colega,
a aglomera pa asina observa e momento cu a honra e trahador incansabel, esta Vito, kende a bay awor disfruta di su pensioen bon mereci.
Gerencia a presenta Vito cu un regalito, y a gradici’e pa tur su añanan di servicio, combina cu su dedicacion, sabiduria, y amabilidad cu semper a laga bon impresion cerca tur colega y tambe cliente.
Awor cu e ta bayendo pa un capitulo nobo di su bida, gerencia a dese’e pa e pasa algun dianan yena cu gozo infinito, hopi relahamento, y sigui busca forma pa entretene su mes cu pasionnan cu ainda e ta stima hopi. Nan lo bay haya su falta, y tur hende a felicit’e pa e bon trabao y pa su sincero amistad.
