Kiwanis Club of Palm Beach contento cu reaccion di pueblo

ORANJESTAD (AAN): Awor cu Carnaval a yega su final, e organizacion di Kiwanis Club of Palm Beach ta sinti cu nan tin di gradici tur turista y hendenan local den comunidad fenomenal aki,

pa e sosten increibel durante nan actividad di bende cuminda y cos di bebe na e Carnaval di Tent di nan, cu e proyecto di F&B FUNdraiser durante Carnaval 72.

   E tent aki tabata hopi druk mes durante Paradanan di Carnaval, pero tambe Diabierna anochi durante un evento di Amstel Bright cu Jeon dunando presentacion, hunto cu Soca King, Lord Lally.  Rij largo di hende para na e tent.

   Pa Kiwanis Club of Palm Beach, e tabata un trabao duro pero nan tur tabatin animo como cu nan tabata haci tur esaki pa e muchanan di Aruba, nan lo beneficia di tur fondo cu a wordo genera.

   Keda pendiente pa momento cu via di DIARIO, nan lo anuncia tur nan proyecto, donacion, y mas evento di FUNdraiser pa 2026.  Riba e potret aki por mira nan cu e.o. Lord Lally.