Kiwanis Club of Palm Beach a firma un acuerdo di cooperacion cu Fundacion Neptali Henriquez Park

ORANJESTAD (AAN):   Kiwanis Club of Palm Beach Aruba (KCPB) ta sumamente contento di anuncia cu a firma un acuerdo di cooperacion importante cu fundacion Neptali Henriquez Park,

cual lo garantisa e continuidad di e parke di recreacion pa mucha. E acuerdo aki ta importante pa e muchanan tin un lugar safe pa hunga y pa sigui promove bienestar di e comunidad.

            ‘Neptali Henriquez Park tin un luga special den nos curason como un area recreativo unda famianan ta reuni y muchanan ta hunga’. Cu e acuerdo aki,  Kiwanis Club of Palm Beach ta demostra e compromiso na garantisa cu e parke ta keda den bon estado y ta un lugar safe pa tur bishitante.

            Kiwanis Club of palm Beach ta extende un danki na tur miembro di e club y na e directiva di Neptali Henriquez Park, dirigi pa Sr. Ben King, pa haci e cooperacion aki posibel. E compromiso cu Neptali Henriquez Park, ta un testimonio di e vision di crea un area di hunga pa tur muchanan di nos "dushi" isla di Aruba.

            Un danki ta bay na tur patrocinado, contribuyentenan, prensa y e pueblo en general pa haci nan eventonan di FUNdraising posibel y exitoso, pa asina por keda yuda nos comunidad y apoya nos muchanan.