Kiwanis Club of Aruba a tene un bishita fenomenal na Santa Rosa

ORANJESTAD (AAN): Miembronan di Kiwanis Club of Aruba a pasa un Diasabra mainta cu a bira e prome di nan serie yama ‘Saturday Educational Fieldtrip’.

   Diasabra mainta, e famia di Kiwanis hunto cu huespednan, a reuni na Santa Rosa pa biba un experiencia berdaderamente inspirador y cu ta enrikece.  For di siñamento encuanto agricultura local, te cu establece vinculo cu otro, e tabata un bunita recordatorio cu e crecimento ta socede tanto riba tera como tambe den nos comunidad.

   Nan ta gradici sinceramente e team di Santa Rosa pa ricibi nan y comparti nan conocemento y pasion.  Nan dedicacion pa agricultura y educacion a pone cu e bishita aki tabata hopi significante.  Nan ta gradici tambe Starbucks pa nan sosten increibel cu a yuda nan e impulso perfecto e mainta ey.

   Momentonan manera esaki ta loke ta caracteriza Kiwanis, esta pa siña, conecta, y genera un impacto hunto.  Asin nan lo sigui cu nan bishitanan educacional di tur Diasabra.