Tienda di Educacion yudando futuro mayornan di Aruba

ORANJESTAD (AAN): Recientemente Tienda di Educacion tabata tin e placer di participa na e tayer “Futuro Mayor” crea door di Wit Gele Kruis Aruba.

   Durante e presentacion aki, Tienda di Educacion su enfoke tabata pa duna sosten y guia pa futuro mayornan cu conocemento y hermentnan cu nan por usa durante e etapa importante di bida aki. Cu ta bin cu hopi alegria pero sigur cu hopi cambio y cosnan nobo.

   E informacion tabata basa entre otro riba topiconan manera; Comunicacion positivo cu e baby pero tambe e comunicacion entre mayornan den e etapa nobo aki. E importancia di bonding den e prome etapa di bida di e baby.  Tambe a trata e “Dunstin baby language method”, unda ta siña reconoce necesidadnan di e baby y con pa responde na un manera sensitivo responsivo na e necesidadnan aki.

   Tienda di Educacion ta gradici tur persona cu a participa y forma parti di e tayer aki. Hunto creando un conexion fuerte y amoroso den famianan na Aruba.