Kiwanis Club of Aruba a entrega e ‘Clint Whitfield Outstanding Student Award 2025’

Kiwanis Club of Aruba a entrega e ‘Clint Whitfield Outstanding Student Award 2025’

Ministro Wendrick Cicilia presente

ORANJESTAD (AAN): E siman aki, e organizacion Kiwanis Club of Aruba a haci entrega di e “Clint Whitfield Outstanding Student Award 2025”. E premio aki ta honra studiantenan di Colegio Arubano cu a sobresali durante e aña escolar 2024-2025.

   E reconocimento ta nombra na memoria di señor Clinton Whitfield, miembro di Kiwanis Club of Aruba den feliz memoria, cu a traha cu amor y dedicacion durante hopi aña pa sirbi e comunidad di Aruba.

   Ministro Wendrick Cicilia tabata presente pa e ocasion bunita aki , pa reconoce e trabao duro, dedicacion, y future lidernan.

    Pa e ganadonan di e “Clint Whitfield Outstanding Student Award 2025”, cu ta e di 29 edicion e aña aki, esaki ta e resultado di nan trabou duro, dedicacion y perseverancia y e premio aki ta un testimonio cu nan esfuerso no ta pasa desapercibi.