ORANJESTAD (AAN): Recientemente, Fundacion ‘Mi Ruta’ a anuncia cu a firma un Memorandum of Understanding cu e
fundacion innovador di enseñansa EduCampus Aruba pa un colaboracion, unda cu ‘Mi Ruta’ lo brinda studiantenan cu mester di mas tempo, guia cu nan enseñansa segun nan necesidad particular.
Mi Ruta na su turno lo por mehora e experiencia di su studiantenan cu actividadnan adicional y asina enrikece nan experiencia na Mi Ruta den un luga mas espacioso.
‘Mi Ruta’ ta ofrece guia dirigi, espacio adapta y programa di ‘homeschooling’ of ‘online school’ personalisa, pa muchanan entre 12-17 aña cu advies pa mavo of havo, cu mester di ayudo cu nan enseñansa y nan ta haciendo esaki desde aña 2019. Nan ta sumamente agradecido na EduCampus Aruba pa e confiansa y oportunidad deposita den nan fundacion y pa permiti nan di forma parti como un di nan partnernan den enseñansa cu tin e vision pa ofrece muchanan un enseñansa dirigi riba nan necesidadnan.
‘Mi Ruta’ ta entusiasma y hopi agradecido pa e confiansa aki y ta cla pa un colaboracion estrecho y beneficioso na beneficio di ambos.
Riba e potret por mira Sra. Lopez-Henriquez di EduCampus Aruba y Sra. Tromp-Dijkhoff di Fundacion ‘Mi Ruta’ na momento cu a firma e MoU.
