Kiwanis Club of Aruba a contribui cu material deportivo na Impact Basketball Club

ORANJESTAD (AAN): Recientemente, Kiwanis Club of Aruba (KCA), e club cu ta brinda servicio na e comunidad di Aruba desde 1964, a otorga un check simbolico na IMPACT Basketball Club.

   E check simbolico aki ta pa contribui cu diferente material deportivo necesario pa e demanda di e crecemento di e club.

  IMPACT Basketball Club tin diferente team den e categoria di U12 (cu edad di 8 pa 12 aña), U14 (13 pa 14 aña), U16 (15 pa 17 aña) y 18+ (17 aña bay ariba) y un team di mucha muher. E demanda den e club ta creciendo positivamente cu mas miembro cu ta desea pa practica e deporte den e diferente categorianan. E demanda a crea e necesidad pa mas material pa e deportista nan por practica nan deporte debidamente.

  IMPACT Basketball Club ta un club di basketball reconosi y respeta cu a produci algun di e mihor hungadornan den basketball durante su añanan di existencia. E club su meta ta pa sigui desaroya deportistanan hoben cu tin e pasion fuerte pa basketball. Constantemente nan ta enbusca di miembro nan nobo combina cu maneranan inovativo pa mehora e programa y servicionan. Nan ta dedica na provee e calidad di mas halto den training y coaching di basketball cu ta disponibel riba e isla y logrando haci un Impacto.

   Kiwanis Club of Aruba (KCA) su meta ta pa sirbi e mucha nan di nos comunidad. KCA ta kere cu deporte ta un parti importante y esencial den e formacion di nos mucha- y hoben nan. Pa e motibo aki KCA ta duna su contribucion na IMPACT Basketball Club pa nan por sigui brinda e mihor calidad di material na su miembronan. KCA su Immediate Past President, Ingmar Ramharakh hunto cu Donation Chair Committee, Vikash Karnani a haci e otorgamento di un check simbolico na representantenan di IMPACT Basketball Club, Jenneve James-Russel y Ivan Poulina cu tabata sumamente contento pa ricibi e contribucion pa nan club.