Josh Kalish ta referee Internacional den Cas Bon Taekwondo Cup.

ORANJESTAD (AAN): E fin di siman aki, Josh Kalish referee Internacional ta bay ta den Cas Bon Taekwondo Cup hunto cu nos referee nan Internacional Master Eric Barry, Master Augie Tromp y Master Moises Dumfries.

   Josh Kalish ta bin for di Charlotte pa asina ta den Cas Bon Taekwondo Cup. E ultimo aña Josh Kalish a para referee na Pan Am Championships Para / Rio Open (Brazil). Pan Am Championships / Dominican Open (Dominican Republic), Havana Open (Cuba), Costa Rica Open (Costa Rica), Presidents Cup (Florida, US), Pan Am Series 2 (Texas, US), US Open (Las Vegas, US) y por ultimo Josh Kalish a worde selecta pa para referee na e weganan Centro Americano na Santo Domingo.

   Josh Kalish a worde apunta pa Merca pa para referee na tur nan eventonan desde 2011, manera Nacional, Team Trails y campeonatonan na e Olympic Training Center.

  DIARIO a compronde cu Diasabra awo Josh Kalish ta bay ta den Centro di Bario Brazil hunto cu nos refereenan local pa para como arbitro.