Jeanmiree van der Werk: Falta so traduci’e na Papiamento y Ingles
ORANJESTAD (AAN) – Jeanmiree van der Werk, di Fundacion Respeta Mi, a comenta den entrevista cu DIARIO, cu tin un aña caba trahando riba e toolkit digital, y loke ta hopi bunita ta, cu nan a involucra profesionalnan di diferente sector.
No pa djis reuni un rato pero structuralmente nan tabata reuni y esnan cu tabata den content group mes tabata tin e tarea di, por ehemplo, entrevista otro profesionalnan den veld pa wak kico ta nan necesidadnan pa tene cuenta cu esaki ora nan ta hinke bek den e toolkit digital.
Esaki ta 90% cla y solamente falta traduci’e na Papiamento y na Ingles tambe. Pero ora e wordo lanza e profesionalnan lo tin suficiente herment pa haya sosten of guia, kico nan por haci na momento cu tin sospecha di abuso di mucha.
