Islanan chikito ta confronta problema pa cumpli cu standardnan internacional

Debi na recursonan limita pa evita labamento di placa

ORANJESTAD (AAN): Manera ta conoci, Ministro Geoffrey Wever a bay Panama pa reunion anual importante di Caribbean Financial Action Taskforce, conoci como CFATF.

   Durante e di dos dia di e CFATF Council of Ministers meeting na Ciudad di Panama, presidente actual di Financial Action Taskforce (FATF), Elisa de Anda Madrazo, tatata presente pa hiba un discurso na tur e Minister y  Procuradornan General cu ta encabesa e delegacion di nan respectivo pais.

   Presidente di FATF durante di su discurso a acentua e compromiso di nos region pa cumpli cu e standardnan internacional den prevencion y combatimento di labamento di placa, financiamento di terorismo y di proliferacion di armanan di destruccion masivo.

   Presidente De Anda Madrazo a indica cu FATF ta consciente di e hecho cu por ta dificil pa paisnan chikito, manera esunnan Caribense, cu tin recursonan limita pa cumpli cu standardnan internacional. Sinembargo, FATF ta compromete su mes pa keda duna apoyo unda mester pa nos por salvaguardia e integridad di e sistema financiero global.

   Minister Wever a logra combersa cu Presidente di FATF pa acentua tambe e compromiso di Aruba riba e tereno aki.