Invitacion pa un bingo Diasabra 5 di September na Club Caiquetio

Mirla Winklaar, Secretaria Centro Pastoral:

ORANJESTAD (AAN) Diasabra 5 di September venidero, lo tuma lugar un bingo na Club Caiquetio, cuminzando 8’or di anochi, y lo habri porta 6’or di atardi, y lo bay tin hopi premio, y premionan extra pa tur esnan cu kier a duna un man pa apoya Centro Pastoral pa por sigui cu renovacion di varios parti di e Centro. Asina aki, señora Mirla Winklaar, Secretaria di Centro Pastoral, a duna di conoce.

  “Nos ta invita tur hende pa bin, pasobra e ta bay ta un bingo unda bo por tuma un rato pa pasa leuk, diverti bo mes den grupo, y tambe duna bo aporte”, señora Winklaar a relata.

El a splica cu e suma total pa haci henter e renovacion ta masha halto mes. “Pero nos tin asina tanto confianza cu nos ta haci’e den fase. Aworaki pa nos lo mas importante ta e aula. Esey nos ta concentra riba dje aworaki”, señora Winklaar a bisa.

E dama a comenta cu e Centro ta wordo uza tur dia pa formacion, tin diferente encuentro pa matrimonio, confirmacion, seminario, y tur sorto di actividadnan. Tin diferente grupo cu ta bende ticket pa e bingo y, entre otro, por yama Rita Werleman na telefon 596 4087 y Stella Chang na 564 2272. Señora Winklaar ta conta cu apoyo di comunidad, pasobra ta hopi importante pa renova e Centro.