Interesante open dag di Instituto Pedagogico Arubano tocante opleidingnan pa aña 2022

Director Marilyn Richardson a splica: --- ORANJESTAD (AAN) – Instituto Pedagogico Arubano (IPA) a organiza su open house, e fin di siman cu a pasa, cual a haya un tremendo acogida, l

ocual DIARIO por a observa den e cantidad di hobennan cu a acudi na esaki. Señora Marilyn Richardson, director general di e Institucion a splica tocante e actividad aki.

Richardson a declara pa DIARIO cu, den e open dag aki, IPA a duna informacion tocante e opleidingnan cu nan lo duna durante aña 2022.

El a señala cu, entre otro, tabata tin cuater sesion, di cual den un a splica tocante e opleiding “Prome Onderwijs”, y a habri dos sesion cu a referi na e opleiding “Nederlands als vreemde taal” cu lo wordo brinda pa studia esnan cu ta studia como docente di enseñanza secundario.

E proceso pa inscribi na IPA, señora Richardson a splica, ta aparece riba nan website. Eynan tin informacion tocante e contenido di e opleidingnan, y tambe ta splica riba e proceso di inscripcion.

Desde awo por subi e website y haci e inscripcion y tur e tramitenan online. Como rekisitonan mester tin HAVO of VWO diploma, of Colegio Profesional Intermedio (EPI) cu un MBO Diploma-nivel 4, por inscribi pa un di e opleidingnan di IPA. Si acaso e interesado no tin e nivelnan aki, pero tin 21 aña di edad, tambe tin e posibilidad di haci un test cu tin diferente tipo di test na nivel di HAVO, y asina tambe e persona por yega na drenta IPA.

Señora Richardson a agrega cu un bez cu e persona tin e rekisitonan rekeri, ainda tin diferente test di admision, entre otro, un relato personal, tests riba dominio di idioma, matematica, y un “logopedische  screening” pa wak con e persona su habilidadnan aki ta.