SANTIAGO: Por lo menos 600 baki yena cu combustible a wordo intercepta y confisca pa Ehercito Dominicano, ora cu esakinan tabata bayendo rumbo pa Haiti na un forma clandestino.
Esnan encarga cu e transporte aki tabata varios Haitiano y Dominicano.
E prome cargamento a wordo intercepta y a conta cu 448 baki cu ta contene tanto gasolin como tambe diesel. Den un otro cargamento cu a wordo haya despues, nan a haya 135 baki yena cu combustible.
Autoridadnan ta tene e tipo di accion aki pa asina stop transporte ilegal y peligroso di gasolin for di Republica Dominicana rumbo pa Haiti.
E bakinan tabata wordo transporta den vehiculo y tambe motorcycle, y tur esaki awor a keda confisca. Esnan cu tabata transportando e bakinan aki a wordo aresta, aunke tin algun a core huy lagando e vehiculonan atras.
Awor tur e combustible confisca a wordo hiba pa e Base Militar di Beller, cu ta sede di e di X Batallon di Ehercito na Dajabón.
Aunke toch tin algun tankero cu a logra yega Haiti cu combustible abordo, e scarcedad ta sigui den pueblonan di parti nort, noordoost, y tambe noordwest di e pais.
