ORANJESTAD (AAN): Recientemente e gran famia di Tropical Bottling Company y MetaCorp a uni den Balashi Beer Garden pa celebra 50 aña di servicio di nan fiel empleado Bienvenido Alberto.
Un anochi super bon organiza respetando tur e medidanan y cu presencia di su famia y coleganan, Sr. Eduardo de Veer y Sr. Eddie de Veer a brinde su merecido elogio y su merecido envelop di regalo como aprecio y gradicimento pa su 50 añanan fiel y valioso pa Aruba su prestigioso compania local Tropical Bottling Company.
Pabien Bienvenido Alberto, sigui haci bo excelente trabao pa hopi aña mas cu Tropical Bottling Company. Pabien MetaCorp y Tropical Bottling Company pa organiza un tremendo y merecido gran celebracion pa un fiel y digno empleado manera Bienvenido Alberto.
