Instalacion Oficial di 'Misters Aruba Modelling Agency'

ORANJESTAD (AAN): Na aña 2024, Sr. Eddy Gomez, nativo di Aruba, a funda un agencia di modelo masculino,

Misters Aruba Modelling Agency, cu e fin pa realza e rol di e ser masculino den e mundo di modelahe.

            E idea a surgi despues cu organisacionnan tanto local como internacional a busca su colaboracion pa manda participante na concurso tanto na Aruba como na exterior. Considerando cu Aruba ta un destino turistico importante, e agencia lo sirbi como plataforma pa promove e historia, cultura y herencia di e isla.

            Misters Aruba Modelling Agency ta destina pa forma embahador masculino den manera teoretico y practico, cu e meta principal di desaroya un representacion digno di Aruba na nivel internacional. E agencia ta traha pa establece alianzanan internacional pa cu su miembronan por participa den eventonan mundial.

            Pa logra e instalacion oficial, cada participante a pasa un proceso selectivo, rekiriendo cualidadnan manera identidad hulandes, espiritu motivacional, habilidad comunicativo, bon condicion fisico y determinacion. Un comision di tres persona tabata encarga di selecciona y evalua esnan cu a cumpli cu e criterio, pa representa oficialmente Aruba como embahador.

            Dialuna, 16 di juni 2025, cinco cabayero cu gran potencial a wordo instala oficialmente como representantenan di Aruba den diferente competencia internacional masculino. E ceremonia a tuma luga na Departamento Arubiana, Bachstraat 5, caminda cada mister a presenta su investigacion tocante monumentonan historico di Aruba dilanti di un publico limita. E presentacionnan a recibi apoyo di nan famia y conocirnan, sigui pa un brindis na mesun locacion.

            E Organisacion a comunica cu nan ta den proceso di rIcibi mas documento tocante e competencianan, pa posteriormente comparti esakinan cu e publico via media social y otro canal.

E cabayeronan instala oficialmente ta:                                                                                               

• Mister Universe Aruba 2025: Eddy Juan Gomez
• Mister World Aruba 2025: Jordi Florez
• Mister International Aruba 2025: Shaquille Mezas
• Mister Earth Aruba 2025: Luis Alexander Ferreras
• Mister Teen Aruba 2025: Zyak Bisslik

            Misters Aruba Modelling Agency ta planifica mas eventonan tanto pa publico como interno, y ta habri e porta pa tur ser masculino cu tin interes den formacion, modelahe y competencia internacional.