Consul Honorario di Portugal Nelo Gomes Da Silva contento:
ORANJESTAD (AAN) – Señor Nelo Gomes Da Silva, Consul Honorario di Portugal na Aruba, y Presidente di Asociacion Social-Cultural Portugues, den entrevista cu DIARIO dia 14 di Juni, a expresa cu riba e fecha aki nan a celebra e Fiesta Cultural, en conexion cu Dia di Portugal cu ta 60 aña di celebracion di dia 10 di Juni.
Esaki ta e parti final di e celebracion cu tabata e show cultural, cu un anochi folklorico, colorido, di poesia, canto y mucho mas.
“Un poco di Portugal nos a trece e anochi aki na Club Primavera. Nos ta contento di e acogida, cu comunidad a bin awenochi pa celebra e fiesta aki di Dia di Portugal. Tambe nos tin un banda Portugues, di Curacao, invita, y un banda sorpresa p’asina trece e tradicionnan di antes y algun comedia”, Gomes Da Silva a relata.
E combinacion di potret hunto cu e relato aki, ta perfila e palabranan di Consul Gomes Da Silva, di un show cultural cu alma Portugues, colorido, alegre, y bunita.
{gallery}Comunidad cu gran acogida na e Fiesta Cultural pa clausura celebracion, na Club Primavera{/gallery}
