IBiSA y Freewinds a regala hobennan e buki 'E caminda pa felicidad'

ORANJESTAD (AAN):  Siman pasa señor Esmond Jones y un representante di Freewinds,

a traha hunto pa parti e bukinan di 'E Caminda pa Felicidad, na tur e hobenan participando den e” Summercamp” di Ibisa.

IBiSA Sport Center pa varios aña ta trahando cu Freewinds ehecutando diferente proyecto riba nos isla y esaki ta otro proyecto pa  comunidad, di e manera aki por inspira hubentud di Aruba pa por tin un mihor futuro.

Den e mundo complica di awendia e hubentud ta lucha pa sobrebibi. Tin biaha nan ta victima di “bullying” na scol of problemanan na cas cu ta stroba nan haya e caminda pa nan felicidad.

Pa motibo aki IBiSA ta y Freewinds ta haci un esfuerzo pa duna e muchanan den e “Summer Camp” informacion valioso y conocemento cu nan por compronde facilmente pa asina nan por usa esaki inmediatamente pa crea un mihor bida pa nan mes, nan famia y nan amigonan.

Mientras e muchanan tabata repasa e buki, nan tabatin un sonrisa grandi na nan cara y nan ansha di siña mas, algo cu tabata hopi contagioso. Nan tur a haya un copia di e buki y tin di nan a tuma extra pa hiba cas.

Señor Esmond Jones sa e valor di e bukinan aki pasobra nan ta yuda e hobennan y nan mayornan y e comunidad. Freewinds semper ta cla pa yuda e comunidad Arubano y e otro islanan cu e ta bishita.