SANTO DOMINGO: Den fin di siman, e Instituto Nacional di Proteccion di Derechonan di Consumidor (conoci como ‘Pro Consumidor’)
a emiti un boletin cu ta corda tur hende cu ta prohibi pa negoshinan di cuminda bay cobra 10% di tip di e cliente of cumpradornan cu no ta usa e lugar pa sinta y come e cuminda.
Bo por cobra tip solamente si e persona sinta come den bo negoshi!
Esnan cu ta viola esaki, ta viola Articulo 1438-22 di Augustus 2021, y lo wordo sanciona cu multa y otro castigo.
Esey nifica cu negoshinan cu bendebo cuminda pa bo mes hiba y bay cune, y ta cobra 10% como tip of ‘service fee’, ta violando ley y lo por wordo sanciona.
Nan a bay mas leu, como cu ya caba tin control activo ta ser haci rond di e pais pa check si tur negoshi ta cumpliendo cu e regla aki of no.
Varios inspector ta riba caya ta verificando esaki, pasobra pa hopi aña nan no tabata preocupa cu e rgela aki. E decision pa haci chekeo activo a bin despues cu nan a haya hopi denuncia di consumidornan cu ta keda wordo exigi un pago di 10% di tip (‘propina’) sin cu nan a haci uso di e negoshi.
