Boa haya cerca di cura di Aeropuerto

ORANJESTAD (AAN): Aunke ultimo temponan casi no ta tende mas di captura di Boa rond di de isla, hecho ta cu e reptilnan aki tey ainda! 

Boa ta y lo keda un plaga riba e isla.  Y nan ta e principal menaza pa bida di bestianan riba e isla.  Esey ta bin debi cu Boa mes no tin ningun enemigo natural riba e isla, pues nan ta na top di e piramide di alimento.

   Bon mes cu publico a sa cu unavez cu nan topa cune, nan tin di mata nan, y esey a yuda cu e cantidad di Boa cu ta wordo mira, ta birando menos.  Aunke tin di corda cu ora un Boa por pone webo y haya mas di 60 baby-Boa den un solo tiro.

   DIARIO a compronde cu siman pasa, personal di Parke Nacional Arikok a wordo manda den area di Cas Paloma, como cu net banda di e cura di Aeropuerto Internacional Reina Beatrix a haya uno basta largo.

   E habitantenan mes tabatin miedo di dje, y asina a pidi yudanza di expertonan cu a yega y mesora a sa di captura e reptil aki.