Hubilaria special honra na CMB Bank

ORANJESTAD (AAN): Siman pasa, gerencia di CMB Bank a celebra hunto cu Lila, observando su di 35 aniversario cu CMB.

   Lila ta wordo describi como un empleado cu hopi experiencia, sa hopi di tur area di e sucursalnan, como tambe semper ta dispuesto pa yuda cu trabaonan cu ta exigi atencion y detaye.

   Un persona amabel, motiva, cla pa asisti, semper ta “on the go” pero asina mes cla pa yuda unda mester di dje, paso su compromiso cu “customer service” ta central.

   Lila, masha masha danki di parti tur na CMB. Nan lo felicita’bo durante paradanan di Carnaval 71 sin falta.