Lic. Rosa Nurys Godet
ORANJESTAD (AAN): E dama Lic. Rosa Nurys Godet, kende ta un empresario Dominicana-Americana di renombre internacional, ta un persona cu desde chiquito a dedica su mes na trabao filantropico.
Semper el a dedica na brinda atencion y cuido na humanidad, bestia y naturalesa. Su carisma y calidad humano ta puntonan fuerte di su caracter caminda semper e ta traha cu alma y cuerpo pa logra su metanan.
E ta presidente di varios empresa y ta dirigi Fundacion Internacional "Paraíso de las Rosas" cu ta enfoca riba e bienestar di esnan di menos recurso y oportunidad, especialmente mucha, adolescente y adulto mayor.
Ademas el a funda e amienda internacional Alas del Mar, cu e proposito pa sigura cu un turista of bishitante cu fayece na un pais stranhero por haya nan descanso eterno den nan pais di origen, sin costo financiero. Asina por duna consuelo na nan famia y, mas importante ainda, ta honra e nacionnan cu ta traha pa disminui entiero di stranhero na tera straño.
Despues di su regreso repentino hunto cu su yiunan na Aruba na 2014, isla cu e ta yama “su destino", Rosa Nurys a dedica su mes na yuda e pueblo Arubiano. E ta brinda apoyo y orientacion na esnan desampara y ta pasando den hopi necesidad. Ta yudanan y brinda nan e oportunidad pa reintegra den sociedad. Tambe, e ta dedica su mes na embeyece, desaroya y mehora e seguridad di e pais.
Simplemente bisa, Rosa Nurys a traha pa mehora e atraccion nacional di Aruba, no solamente pa placer di nos pueblo, pero tambe pa mehora e experiencia turistico brindando mas comfort y atraccion na nos guestnan.
