Hubilaria special a wordo honra na CMB Bank

ORANJESTAD (AAN): Algun dia pasa, gerencia a honra Mariela Ras cu su 25 aniversario trahando na CMB Bank.

   A ser splica cu e tempo di Mariela cu CMB ta uno remarcabel, unda cu el a cuminsa como Teller/Cashier y despues como Utility Clerk, prome cu e la bay afo pa un temporada y a gana mas experiencia.

   Cu su regreso Mariela a uni su mes na e team di Insurance na CMB y a bira un parti vital di su funcionamento. Actualmente, su posicion ta uno crucial den e parti administrativo y ta percura pa e area di pagonan y tambe brinda apoyo na e sucursalnan. E ta haci esaki cu precision y tambe cu hopi atencion.

   Loke ta importante pa subraya ta Mariela su carisma, como tambe su compromiso y su abilidad pa semper asisti otronan cu un sonrisa riba su cara.

   Semper calmo den tur situacion y semper ta “go the extra mile” pa yuda tanto cliente como su coleganan.

   Pabien, Mariela, bo trabao y positivismo ta haci un diferencia.  Nan ta desea bo hopi mas aña exitoso na CMB.