ORANJESTAD (AAN): Tabata Diasabra cu mundo henter ta celebra Dia Internacional di Hende Muhe.
E ta un dia unda ta celebra e logronan di muhe den areanan manera cultura, politica, economia, y sociedad en particular.
Historia ta presenta eventonan importante cu a yuda haci mundo un mihor lugar, y muhenan semper a hunga rolnan esencial den movimento pa derechonan di votamento, derechonan civil, derechonan labora, derecho pa muchanan, y hopi mas. Muhenan a logra fenomenal pasonan dilanti den tur tereno, incluyendo medicina, ciencia, literatura, y politica.
Tur esaki a wordo celebra Diasabra anochi tambe cu un grupo grandi di dama cerca mr. Gerlien Croes, kende ta lider di Partido Futuro.
Amor, puresa, norma, balor y respet- di nos pa otro, di otro pa nos, den e mundo di awendia e lucha ta extra fuerte, laga nos keda determina!
