ORANJESTAD (AAN): Informacion importante pa tur alumno di 6de Klas di Scol Basico, cu lo ta buscando ainda pa dicidi cua scol MAVO e lo bay p’e pa siguiente aña escolar.
Aki ta unda cu Maria College MAVO na Playa ta preparando un Open Dag e siman aki, esta Diahuebs 13 di Maart 2025.
For di 6:30 pm pa 8:30 pm, nan lo organiza nan Opendag den forma di STREAM Fair!
STREAM ta referi na Science, Technology, Reading, Engineering/ Economy, Art & Math.
Durante e Open Dag aki, nos alumnonan cu a traha den equipo lo estrena nan tareanan practico di diferente materia cu ta cay den e categoria di STREAM.
Tur esaki ta parti di Maria College Mavo su vision como scol na unda cu nos ta wak e proceso di traha den equipo pa logra hunto na nos metanan y tambe e proceso di siñamento, cu ta inclui siñamento structura di e habilidadnan di siñamento basa riba e '21st Century Skills' como un condicion importante pa siña di un forma eficiente diferente aspecto di conocemento.
Maria College MAVO ta situa den Van Leeuwenhoekstraat na Playa.
