Housekeeping Week na La Cabana Beach Resort den luna di September 2022

ORANJESTAD (AAN): E asina yama ‘Housekeeping Week’ a worde agrega den e agenda celebratorio anual na e di dos siman di September,

pa asina duna staff y gerencia un oportunidad pa gradici tur esnan den housekeeping pa nan esfuersonan den mantene tur cos limpi y netjes den e resort, pa e guestnan interno y externo.

   Na mayoria di resort na Aruba e siman ta worde celebra cu gran fanfaria, specialmente na La Cabana Beach Resort & Casino, na unda cu henter un siman ta worde dedica na e heroenan tras di cortina di e departamento. E siman ta yena cu un serie di entretenimento y eventonan bunita.

   E aña aki, Housekeeping Week a inicia cu palabranan caluroso di aprecio for di e Executive Committee y team di maneho, durante un delicioso desayuno, cual a worde disfruta pa tur miembro di e departamento. E siguiente dia a inclui un mainta relahante den conference room, un desayuno chikito hunto cu un charla pa Belquis Moreu, enfocando riba inteligencia emocional.

   E charla a conclui cu algun ehercisio di meditacion y rosea. Den e siguiente dianan, e Housekeeping Team a canta Karaoke, nan a eligi un King & Queen, nan a worde premia tambe y hunto a bay disfruta riba Red Sail Sports Sunset Cruise. Un atardi cu premionan a finalisa e festividadnan cu coronacion di Supervisor of the Year, Yolanda Caraballo, Housemen of the Year, Eric Tromp, y Room Attendant of The Year, Micherlande Prophete.

   Ganadonan a worde selecta pa Housekeeping Management Team, basa riba e balornan di e resort, specialmente pasion y consistencia, cual e tres ganadonan a representa hopi bon. Bingo cu hopi premio, sigui pa hemchinan di aprecio y reconocemento, a hiba e celebracion na un final hopi emocionante. Ban haci esaki atrobe otro aña!