Celebrando cu DIARIO ta usando Payroll Pro pa 20 aña caba

Honor special di VCC International NV

ORANJESTAD (AAN): Relaciona cu e hecho cu DIARIO tin 20 aña caba ta usando e software di Payroll Pro den su administracion, e compania VCC International NV riba Diamars a manda un bolo di regalo.  Esaki como forma di aprecio, y sigur na honor di e hecho cu Agencia Arubano di Noticia ta usando e software aki pa 20 aña caba.

   Manera Jeandella Croes-Boekhoudt di administracion a splica, cu e software aki ta uno hopi util pa companianan local haci uso di dje.  Alavez, DIARIO tambe ta felicita VCC International NV cu ya tin 30 aña di existencia na Aruba, ta yudando comercio di e isla haci trabaonan administrativo mas facil cu nunca.

   Personal di DIARIO a goza inmensamente di e bolo aki, y a brinda na bienestar y progreso di VCC International NV en general.