ORANJESTAD (AAN): Mensualmente Aruba Hotel & Tourism Association (AHATA) ta publica e cifranan di ocupacion y prijs di e hotelnan, y pa juli 2021 CEO di AHATA Tisa LaSorte, ta informa cu ocupacion a yega 80%.
JULI 2021: Pa luna di Juli 2021, riba asunto di Ocupacion: E grado di ocupacion tabata 79.7% luna pasa; 10% menos cu na juli 2019.
ADR: E balor promedio di cada camber bendi tabata $258.07, cual ta 4.3% mas cu na 2019.
RevPAR: E entrada averahe pa tur camber disponibel tabata $205.74, representando un reduccion di 6% compara cu 2019.
For di Januari 2021 te cu Juli 2021, por bisa cu den e prome 7 luna di 2021, Aruba su hotelnan a experiencia ocupacion promedio di 50%. ADR a reduci cu 12% compara cu e mesun temporada na 2019, y RevPAR a resulta di ta 49% menos.
PROYECCION: Despues cu CDC y State Department na Merca a hisa Aruba su nivel di alerta, a haci un sondeo di e efecto riba ocupacion.
Na Aruba, 75% di hotel a raporta hopi cancelacion di reservacion. Aruba a perde por lo menos 5 punto di ocupacion como resultado di e nivel di alerta.
TIMESHARE: Ocupacion na propiedadnan Timeshare tabata 87% na juli.
https://diario.aw/categories/noticia/general/hotelnan-a-experiencia-cancelacion-despues-di-alerta-nobo-di-cdc-pa-aruba#sigProIda568389ed2
