ORANJESTAD (AAN): Parlamentario Endy Croes a splica cu diaranson ultimo den sala di Parlamento tabata tin un Openbare Bijeenkomst (OB) unda Prome Minister di Aruba hunto cu Director di Financien y ehecutivonan di DWJZ
a duna un update riba e avansenan cu Hulanda y otro islanan den Reino despues cu a yega na un consensus riba COHO y RAFT.
-Aruba y islanan a sufri un golpi hopi duro door di Covid 19:
Desde 13 di Maart 2020 momento cu coronavirus a bati na porta di Aruba esaki a cambia tur cos. Den rapport di rating agencies manera Standard and Poor's Aruba a sali # 1 den un tabel di 122 pais pa pais mas afecta. No por ta otro como cu nos unico pilar economico esta turismo a Shutdown completamente y esaki tabata obvio.
- Hulanda a presta 1000 miyon caba na 0%:
Hulanda a pone nan mes disponibel pa yuda e islanan pero a bin cu condicionnan y algun di e condicionnan tabata demasiado fuerte. Finalmente Aruba y demas islanan den Reino despues di 13 luna di negociacion a yega na un consensus pa tanto e ley cu lo cubri COHO (e banco cu lo presta e islanan) y RAFT di cual CAFT lo rigi bou di dje. Hulanda mientrastanto a presta Aruba na 5 ocasion esta 5 tranche un total di 903 miyon na 0% di interes te cu derde kwartal di 2021 y tin proyecta un prestamo di 180 miyon pa e ultimo kwartal di 2021. Pues hunto mas di 1000 miyon florin na 0% di interes.
- Mike Eman a core sali di sala pa no scucha su berdad:
Momento cu Parlamentario Endy Croes a hiba palabra Mike Eman a bandona sala. Como cu Endy Croes entre otro a splica con AVP y Mike Eman a presta 2200 miyon florin riba mercado internacional pa solamente sera deficit di presupuesto den nan 8 aña di gobernacion y mal maneho anto sin ningun “crisis”.
Pa despues Mike grita cu e ta orguyoso di e debe. Abusando di e confiansa di pueblo. AVP a redobla e debe nacional y a redobla interes riba placa presta unda Aruba ta pagando awe 232 miyon florin pa aña solamente na interes riba placa cu Mike Eman a presta. Esaki ta igual na 635 mil florin pa cada dia pa proximo 20 aña.
Parlamentario Croes a splica si no ta pa e mal maneho di Mike Eman Aruba no mester a mendiga asina tanto y por tabata tin mas shocks pa asorba e crisis riba su propio.
Awe Mike Eman kier splica Promer Minister Evelyn Wever Croes con pa atende cu e crisis y cu finansas? Wel Mike no a keda den sala pero a core sali y a regresa momento Parlamentario Croes a termina su speech.
Parlamentario Croes a splica cu esaki ta demostra con cobarde Mike Eman ta. A keda 4 aña sin representa su votadornan y awor ta drenta sala by choice ora ta cumbini'e. Parlamentario Endy Croes ta considera Mike Eman un x Lider cu a desgracia pais Aruba alaves un x Lider bon COBARDE!
