Hospital awor por ofrece tratamento via e asina yama Hyperbaric Chamber

ORANJESTAD(AAN): Diahuebs na Hospital a duna un splicacion riba un tratamento cu awor ta wordo ofreci na Aruba,

esta e tratamento den un asina yama ‘Hyperbaric Chamber’. Dokter Edgar Caceres, director medico di Hospital a indica cu e camber/tanki aki por wordo uza pa trata diferente pashent.

“Mayoria pashent cu lo wordo trata ta esunnan cu heridanan, pero personanan cu haya problema di duik sigur por wordo yuda tambe pa e Hyperbaric Chamber”, segun Caceres.

“Eingelijk nos a  bin cu ne no pa tratamento di herida so, pero tambe cu pashentnan di radiacion y pashentnan cu tin problema cu bacteria cu ta hopi agresivo”.

Tambe e camber por wordo uza pa ora cu un ciruhano plastico pone un dede bek pa un pashent, pone e pashent den e taki pa e dede por cura mas lihe, segun e director medico di Hospital.

El a splica cu locual e camber aki ta haci ta pone 100% di oxigeno bao di presion y door di esey e oxigeno ta penetra den tur e heridanan cu eingelijk no ta haya circulacion.

Door di esey esaki ta stimula cu mas ader ta sali y door di esey e heridanan ta haya mas oxigeno y ta cura mas  mihor.

A puntra e dokter si esaki lo nifica cu awor lo manda menos pashent pa Colombia pa e tratamento Hyperbarico y el a splica cu si.

“Tabata tin pashentnan cu nos tabata manda, pero awor cu  nos tin nos propio facilidad, nos por yuda nos pashentnan hopi mas na Aruba mes sin cu mester manda nan afo”, segun Caceres.