Hopi turista yegando Aruba pues ban proteha nan

ORANJESTAD (AAN): Riba Dialuna por a mira con keto bay hopi turista tabata yegando Aruba, bon mes.  Pero tin di haci algo pa proteha nan na forma mihor.

   Ministro di Husticia lo por bay pidi autoridadnan Policial pa aumenta control na e.o. Arashi Beach, Boca Catalina, Tres Trapi, y na Eagle Beach e dianan aki.

   Keto bay tin ladron ta hortando pertenencianan.  Ta un momento tambe pa Parlamentarionan mira si po cambia ley y hasta triplifica castigo pa esnan cu comete crimen di hortamento di propiedad di turistanan.

   Mester frena esaki!  Diadomingo anochi mes den area di Royal Plaza, por a mira con hopi e Adictonan Ambulante tabata molestia turistanan y na forma fresco y insistente tabata pidi “One Dollar” di e turistanan.

   Tambe por a lesa con na San Nicolas ta ranca tas di turista y bay cune.  Kizas e momento a yega pa duna nan un castigo fuerte, cu kizas asina lo por stop e ladronicianan aki.