Departamento di Aduana a lansa modulo nobo den Asycuda World

ORANJESTAD (AAN)- Den e cuadro di modernisacion, Departamento di Aduana ta introduci un modulo nobo den Asycuda World, esta e Query Lane.

E lansamento oficial di e Query Lane ta dialuna dia 2 di augustus 2021.

            E Query Lane ta significa cu Douane no por haci coreccion riba declaracionan den Asycuda World mas. Cu e introduccion di e Query Lane esaki lo keda den man di e declarant/broker.

            Pa tene tur declarant/broker bon informa, e seccion di ATRI a tene un session informativo cu tur declaranten/brokers di Departamento di Aduana. E manual di modulo aki ta accesibel riba e Asycuda World portal. Un gradicimento ta bay pa ful e team di Asycuda.