Hopi meeuwchi mes e dianan aki na Spaans Lagoen

ORANJESTAD (AAN): Personanan a raporta na DIARIO, cu e simannan aki nan ta mira hopi meeuwchi mes ta acomodando nan mes na e costa di Spaanslagoen weg.

   DIARIO a bay tira un bista, y enberdad e ta hopi notable e cantidad grandi di e parhanan aki cu ta eybanda.  Esey nifica cu nan ta den temporada di bruy y lo tin neishi ey banda.

   “Den pasado, masha poco mes bo tabata mira un of dos presente den e area aki,” un ciudadano a indica.  Pero e tambe awor a keda sorprendi pa mira nan ta aglomerando eynan.

   E ta un simbolo toch cu keto bay den cierto temporada, e meeuwchinan di lama ta sigui bruy y ta biba trankil hunto cu humanidad.