ORANJESTAD (AAN): Un ciudadano a comenta na DIARIO, cu ora di traha cu landscaping y decora cierto areanan, semper ta bon pa check cu experto local.
Loke e ciudadano ta referi na dje, ta cu ta di apluadi cu ta decora rotondenan cu matanan local. Pero e tin duda pa cu e idea di planta un mata di Moringa net riba un rotonde.
E ta referi aki na e rotonde nobo di Watty Vos Boulevard na altura di Ponton. Pasobra e ta mustra cu ta conoci di hopi tempo, cu e matanan di Moringa aunke nan tin propiedadnan cu ta yuda hopi hende cu salud, toch no mester lubida cu e matanan aki ta causa hopi sushedad cu nan foyo, demas takinan y blachi, y tambe e fruta.
E ta pronostica cu e contratista lo bay tin hopi dolor di cabez pa mantene e rotonde limpi cu tur e sushedad ey cu lo wordo laga eybao door di e palo di mata.
