DVG: 19 caso nobo raporta diadomingo

Casonan activo a baha considerablemente y awor tin 400 residente positivo

ORANJESTAD (AAN):  Crisis Team a duna di conoce e cifranan di Covid-19 di diadomingo.

Segun resumen, 56 persona a recupera, mientras cu a registra un total di 19 caso nobo di Covid-19, di cual 4 ta no-residente.

E cantidad total di testnan ehecuta diasabra na e diferente localidadnan na Aruba, entre otro laboratorio di hospital, laboratorionan priva y aeropuerto ta 600 test.

'Positivity rate' entre residentenan ta 25%.

Casonan activo ta 451 (400 residente). E cantidad di fayecido relaciona cu Covid-19 ta 92.

Hospital a informa cu tin un total di 39 persona interna di cual 16 ta den Cuido Intensivo y 23 riba unidad general di Covid.