Hopi interes riba tema di comberti autonan pa traha riba gas

Presentacion di Arugas hunto cu Prins

ORANJESTAD (AAN): Recientemente a tuma lugar un evento, caminda e compania Arugas y tambe Prins Autogas encarga cu sistemanan di combustibel alternativo, a elabora ampliamente riba futuro di combustibel.  E evento aki a ser yama ‘Autogas Event’, y a trece companianan renombra pa explora e futuro di Autogas como un combustibel alternativo sostenibel.

   Robbie Smith di Prins Autogas, a ofrece un presentacion hopi extenso riba e ruta cu Autogas a tuma, y tambe di tur e beneficionan di haci e cambio di bo auto, for di gasolin pa traha riba LPG Gas.

   Lucio Werleman kende tin e compania di Lucho Towing, a comparti su experiencia personal despues di a converti su Takelwagen pa traha riba Autogas.

   Mientras cu tanto Arugas y Prins Autogas ta sigui pusha pa solucionnan mas ‘berde’, e evento aki tabata un paso padilanti pa yuda Aruba den su transicion di energia y promove opcionnan di combustibel mas limpi y eficiente pa negoshinan y consumidornan tambe.  Durante e presentacion a bin tambe cu bista riba e kits cu tin di haci pa introduci cambio den un auto, pa e por cuminza funciona cu gas.