Manera Constitucion ta exigi
ORANJESTAD (AAN): E siman aki, Gobernador Alfonso Boekhoudt a manda un carta oficial pa President di Parlamento di Aruba, riba un asunto cu tin di haber cu loke ta pasando.
Despacho di Gobernador a confirma cu desde Diaranson 9 di October 2024, ora Prome Minister, Señora E.C. Wever-Croes, a presenta Gobernador di Aruba cu un concepto di decreto nacional pa worde firma. E concepto di decreto nacional ta trata retiro di Glenbert F. Croes como Minister di Labor, Energia y Integracion.
Minister Croes a pidi pa e worde retira conforme articulo 17, sub b, di e Ordenansa Nacional pa Integridad di Ministernan.
Mesun dia Gobernador a manda un carta pa Presidente di Staten di Aruba pidiendo opinion di Parlamento riba e retiro consecuente di e minister. E opinion aki ta worde pidi a base di articulo II.2, prome inciso, di Constitucion di Aruba.
