Hopi hende probecha di productonan di Mercado Santa Rosa

ORANJESTAD (AAN): Riba Diasabra mainta, un biaha mas ta cantidad di ciudadano a acudi na Santa Rosa, pa probecha di nan mercado cu awor ta tuma lugar semanalmente.

   Comunidad a yega trempan pa asina probecha y cumpra nan carni fresco, diferente berdura y fruta.  Tabatin monton Bonchi Cunucu, Concomber chikito, Carni fresco di Baca, Milon, Strop’i Calbas, ciboyin, cilantro, tres variedad di cherry tomatoes, lamunchi, lechuga, Concomber di Salada, Papaya Hot Sauce, Azeta di Coco di Aruba, Licor di Banana Cake, Webo fresco, Spam Tempera, Sweet Rolls, Habon Organico di Aruba, y tambe varios juice nan natural, pasa boca, y productonan herbal.

   Diasabra tabatin pisca fresco tambe ofreci door di ‘Mi ta Piscado’.  A nota cu tin hopi hoben cu ta envolvi nan mes den agricultura y a trece nan productonan pa bende.

   Tur Diasabra di 8:00 am pa 12:00 pm tin Mercado na Santa Rosa.